Syndicate
Navigation
User login
Informasi Hostel Baru
Latar belakang…
Terima kasih ngagai Allah Taala, seati kitai bala menyadi dalam Kristus ari mayuh bangkah gereja udah nembuka fasa keterubah (Blok Opis – 1998) lalu sebagi ari fasa kedua (Hostel Pelajar Indu – 2003) dalam Perambu Besai ke deka ngaga Rumah ke Baru ke MTS (Sekolah Teologi Methodist). Laban kita endang sigi ibuh ke MTS, nya alai MTS bisi chukup keresa ke dikena melatihka bala anembiak ngambika nyadi pengereja Allah Taala dalam ngemansangka Gereja Iya.
Taun 1999 nya meh taun pemansut keterubah sepengudah program degree depelabuhka. Kenyau ari nya pemayuh
paderi, orang tandang, anembiak pelajar Teologi, anembiak pelajar dalam program sembiang & musik, sekula pengawa misin, pelajar dalam program TEE, enggau pelajar ke bukai majak nambah tiap taun. Diatu MTS bisi lebih kurang 300 iku anembiak tiap-tiap taun. Nya alai keresa ke bisi udah abis dikena, enda chukup lalu patut dikemadaska kena nangkup pemansang ke deka datai.
Ari nya sepengelama dua taun ke udah, Bod MTS, ke dibaruh tiga iti AUM Betaun (SCAC, SIAC & SPAC) ari Gereja Methodist Sabah & Sarawak udah merambu deka nembuka Fasa kedua projek ngaga rumah tu. Iya nya ngaga dua blok rumah empat tingkat Hostel Pelajar lelaki enggau Rumah Pengajar. Kami besampi, ngena kerasa ke baru tu, mayuh agi bala menyadi dalam Kristus diterima masuk sereta dilatih ngambika sama ulih ngerembaika Berita Badas sereta ngemansangka gereja.
Terubah iya, agar ungkus ngaga rumah tu, iya nya RM 6.5 millions. Lalu iya dipelaba ke ulih tembu sebadau ujung taun 2010. (Dalam timpuh setaun setengah).
Kami enggau ati baruh, minta kita bala menyadi dalam Kristus: beduduk ari ati kita ti rindu ke Allah Taala, ti rindu ke gereja kitai sereta rindu mega ke MTS meri enggau ati gaga nitih ke udah dipadahka ditu tauka nitih ke peneka nuan empu. Aram meh kitai sama seati ngemansangka MTS, ke mulia Allah Taala sereta ngemansangka anembiak Iya !